******************************
********** الـــمــــــــدد*********
*******************************
المــدد يااهل الــمدد
المدد من عرق أيديك
من جريد نخلك
من شق القنايه
من صوابع متحنيه
بطين الغيطان
المدد غلتك وقمحك
فاسك وأرضك
من زلعة المايه
فوق راس الصبيه
من روح المحبه الوفيه
فـــ شمس العصارى
وبراد الشاى
على نار قوالح زرعنا
على راكية رايق تلمنا
بريحة شواشى الدرة
وسنابل شعيرنا
تحت ضل التوتــه
وقت العصارى
*************
مددك عرضك أرضك
ناسك وأهلك
دراعك هو فاسك
اوعاك تسلم اوعاك تطاطى
لأى ظالم
المدد فى حزمة حطب
فى عنقود عــنــب
لو فى يوم إتفرط
يبقى عليه العوووووض
********
بقلم / الخميس2016/10/27
*********اسامه شاهين********
أشكر أسرة المجله على جهدها الرائع
ردحذفولكم منى أرق تحياتى ومع خالص تمنياتى بالتوفيق