.........(الكوسة)..........
من زمان والدنيا كوسه
حتى حبك ناقصه بوسه
يعني طبطب ع العروسه
والضمير مريض بسوسه
كل حاجة بالحساب
هات سجاير هات كتاب
درج مفتوح للغياب
إرمي زهرك لوشباب
كل شئ يمشي بثواب
يعني دنيا وماشية حوسه
لما تتعب خد لبوسه
أو تجيب البنت دوسه
كل شئ يبقى في سحاب
الموظف بالأونطه
في الوظيفة يملا شتطه
بالرشاوي حط شطه
كعب داير حتى طنطا
يعني تعطي بدون عتاب
لا جل تخلص م العذاب
لوبتبني في المدينة
والمجالس في الكابينه
فوق دماغك الحزينه
رخصة تعمل في السفينه
ياالرشاوي يالسرينه
والمحاضر في التراب
حكم تاخد بالغياب
يعني بيع الكوسه ماشي
بالايدين ترمي التماسي
بيت بتملك او مافيشي
بالايجار عايش هباب
كوسه ماشيه في كل شئ
والروتين سد الطريق
كل ورقة تلاقي ضيق
تلقى من نفسك غريق
بالفلوس أو بالصديق
لا جل تخلص م العذاب
دنيا كوسه عامله حوسه
والضمير عامل غياب
........(شعر).........
عبد.الله السايح
ليست هناك تعليقات:
إرسال تعليق