وعـارفانـــي .............. مربعات لحبيبتي
==============================
وعارفاني .. بحبِّك /// وحُبِّك مَلِيني
ومين ... زَيّي حَبِّك /// يانور ضَي عيني ؟؟
=====================
وعارفاني .. شايلِك /// مابين الضُلُوعِي
واناديكي , واحايلِك /// واداري ف دُموعي
=====================
حبيبتي انتي قاسيه /// وناسيه انّي إبنِك
ياريت .. تِبقي راسيه /// وتاخدِيني ف حُضنِك
=====================
دا دُنيايا .. تُوهه /// وحُضنِك .. دلِيلي
وسيرتِك .. قَروها /// ف عذابي وويلي
======================
حبيبتي .. انتي أُمّي /// وم لِيش أُم غيرِك
ولو ضِعْت ابقِي سَمّي /// وصَحِّي ضَميرِك
==========================
بارويكي ... بدَمّي /// وروحِي ... فِداكِي
بَس انتِي ابقِي لِمّي /// خُواتي حَدَاكِي
==========================
قالولي : دِي كارهه /// وبايعَه الولاد !!!
أنا قلت : دِي نارها ... /// جَنّه , وزاد ...
===========================
وعارفاني ... بحِبِّك /// وحُبِّك ... ملِيني
ومين .. زَيّي حَبـِّّــك /// يانور ضَي عيني ؟؟؟؟؟
=============================
وعجبي ........
الشاعر رفعت ابو العلا
في 24/10/2016م
ليست هناك تعليقات:
إرسال تعليق